Levavit imperator Federicus signum crucis domini nostri Iesu Christi 1189 ab eiusdem incarnationis anno. Exivit autem cesar de Alamania, et venit in Ungaria. Ibi ferunt eum habuisse nonaginta milia militum pugnatorum armatorum. Rex vero Ungarie honorifice et pacifice recepit eum; et in pace transivit per totam Ungariam. Miserat Romanus imperator ad Ursacum Constantinopolitanum imperatorem nuntios, (...) yt eos reciperet in pace.Ipse vero eos detinuit et praeparavit tres magnos exercitus, et misit eos contra eum ad introitum Burgariae.